CCE GRADINGS

పిల్లల కోసం పాఠాలు
Telugu medium student learn spoken English ...
3R s Remedial and Day wise Programme.
All Formative Model Exam Papers.
Ist to V Class Model Lesson Plans

తెలుగు	ఇంగ్లీష్	గణితం	EVS
Logo Poster 1 2 3 4 5	Logo Poster 1 2 3 4 5	Logo Poster 1 2 3 4 5	Logo Poster 3 4 5
సాధించాల్సిన విద్యా ప్రమాణాలు	సాధించాల్సిన విద్యా ప్రమాణాలు	సాధించాల్సిన విద్యా ప్రమాణాలు	సాధించాల్సిన విద్యా ప్రమాణాలు

మీ ప్రశ్నకు మా జవాబు

సందేహాలకు సమాధానాలు

2024 డీఎస్సీ ద్వారా ఎంపికైన ఉపాధ్యాయులకు ప్రొబేషన్ డిక్లరేషన్ కాకపోతే రెండో ఇంక్రిమెంట్ మంజూరు చేయకూడదని అంటున్నారు. ఈ విషయంలో రాష్ట్ర ట్రెజరీ అధికారుల నుంచి సానుకూలమైన క్లారిఫికేషన్ వచ్చే అవకాశం ఉందా?

జవాబు: లేదు. ప్రొబేషన్ డిక్లరేషన్ కాకముందు రెండో ఇంక్రిమెంట్ మంజూరు చేయకూడదని ఫండమెంటల్ రూల్స్‌లో స్పష్టమైన నిబంధన ఉంది. ఎఫ్‌ఆర్ 31-A(2)(i)(a) ప్రకారం ప్రొబేషన్ డిక్లరేషన్ పూర్తికాకముందు రెండో ఇంక్రిమెంట్ మంజూరు చేయడానికి అవకాశం లేదు. గత ఏడాది నిజామాబాద్ ట్రెజరీ అధికారులు ఇదే అంశంపై ట్రెజరీ డైరెక్టర్‌ను వివరణ కోరగా, ఫండమెంటల్ రూల్స్‌లో ఇప్పటికే స్పష్టమైన నిబంధన ఉన్నప్పుడు మళ్లీ వివరణ కోరుతున్నారనీ పేర్కొంటూ, సంబంధిత నిబంధన ప్రకారం ప్రొబేషన్ డిక్లరేషన్ కాకముందు రెండో ఇంక్రిమెంట్ మంజూరు చేయకూడదని Memo.No.F2/2656/2023 తేదీ: 13.11.2025 ద్వారా Clarification ఇచ్చారు. అందువల్ల 2024 డీఎస్సీ ఉపాధ్యాయుల విషయంలోనూ రాష్ట్ర ట్రెజరీ శాఖ డైరెక్టర్ నుంచి ఇదే రకమైన Clarification వచ్చే అవకాశం ఉందని నేను భావిస్తున్నాను.

ఒక ఉద్యోగి ఏప్రిల్‌ 2026లో సస్పెండ్‌ అయ్యారు. ఆయనకు జూలై 2026లో వార్షిక ఇంక్రిమెంట్‌ మంజూరు కావాల్సి ఉంది. అయితే, సెప్టెంబర్‌ 2026లో తిరిగి విధుల్లో చేరారు. సస్పెన్షన్ పీరియడ్ ఇంకా సెటిల్ కాలేదు ఆయనకు వార్షిక ఇంక్రిమెంట్‌ ఎప్పుడు మంజూరు చేయాలి?

జవాబు: ప్రభుత్వ మెమో నంబర్ 27703/778-A/FR-II/2012, తేదీ 26-02-2013 ప్రకారం, తిరిగి విధుల్లో చేరిన తేదీ నుంచి ఒక సంవత్సరం సర్వీసు పూర్తయిన తర్వాత వార్షిక ఇంక్రిమెంట్‌ మంజూరు చేయాలి. సస్పెన్షన్ పీరియడ్ ఇంకా సెటిల్ కాకపోయినా ఈ నిబంధన ప్రకారం, సెప్టెంబర్‌ 2026లో విధుల్లో చేరిన ఉద్యోగికి సెప్టెంబర్‌ 2027లో వార్షిక ఇంక్రిమెంట్‌ మంజూరు చేయాలి.

రెండు SJS‌ EL మధ్య జనరల్ హాలిడేను ఉంటే, ఆ హాలిడేను కూడా లీవ్‌గా పరిగణిస్తారా?

జవాబు: అవును. రెండు SJS‌ EL మధ్య జనరల్ హాలిడే వచ్చినప్పుడు, నిబంధనల ప్రకారం ఆ రోజును కూడా లీవులో భాగంగా పరిగణిస్తారు.

50 సంవత్సరాల వయస్సు పూర్తయిన ఎస్జీటీలకు 24 సంవత్సరాల ఆటోమేటిక్ అడ్వాన్స్‌మెంట్ స్కేల్ మంజూరుకు డిపార్ట్‌మెంటల్ పరీక్షల ఉత్తీర్ణత నుంచి మినహాయింపు ఉందా?

జవాబు: లేదు. ప్రభుత్వ మెమో నంబర్ 034408/248/PC-2/2011, తేదీ 04-02-2012 ప్రకారం, 50 సంవత్సరాల వయస్సు పూర్తయిన ఎస్జీటీలకు డిపార్ట్‌మెంటల్ పరీక్షల ఉత్తీర్ణత నుంచి మినహాయింపు లేదు. కాబట్టి 24 సంవత్సరాల ఆటోమేటిక్ అడ్వాన్స్‌మెంట్ స్కేల్ పొందడానికి సంబంధిత నిబంధనల ప్రకారం అవసరమైన పరీక్షల్లో ఉత్తీర్ణత సాధించాలి.